මාර්ග සංවර්ධන අධිකාරියේ මාර්ග රක්ෂිතය තුළ අනවසර ප්‍රදර්ශන පුවරු සහ බැනර් ප්‍රදර්ශනය කිරීම

මාර්ග සංවර්ධන අධිකාරියේ (RDA) විෂය පථය යටතේ ඇති මාර්ග රක්ෂිත තුළ පුවරු, බැනර් හෝ වෙළඳ දැන්වීම් ව්‍යුහයන් ඉදිකර ඇති සියලුම පුද්ගලයින්ට මෙයින් දැනුම් දෙනු ලබන්නේ, සියලුම අනුමත පුවරුවල මාර්ග සංවර්ධන අධිකාරියේ බලපත්‍ර ස්ටිකරය ප්‍රදර්ශනය කළ යුතු බවයි. බලපත්‍ර ස්ටිකරය නොමැතිව ප්‍රදර්ශනය කර ඇති ඕනෑම පුවරුවක් අනවසර පුවරු ලෙස සලකනු ලැබේ. ගාස්තු ගෙවීම දැනටමත් සිදු කර ඇත්නම්, අදාළ හිමිකරුවන් වහාම බලපත්‍ර ස්ටිකරය ලබාගෙන අදාල පුවරුවේ ඇලවිය යුතුය.

බලපත්‍ර ස්ටිකර් නොමැති සියලුම පුවරු 2026.04.15 දිනෙන් පසු පූර්ව දැනුම්දීමකින් තොරව ඉවත් කරනු ලැබේ.

විධිමත් කිරීම හා අවශ්‍ය වැඩිදුර තොරතුරු සඳහා,  කරුණාකර දුරකථන අංක 011-2862445 හරහා කළමනාකරණ සහකාර එම්. ප්‍රභාත් රාමසිංහ මහතා හෝ මාර්ග සංවර්ධන අධිකාරියේ අදාළ විධායක ඉංජිනේරු මහතා/ මහත්මිය ඇමතිය හැකිය.

ඒකක ප්‍රධානී,

වත්කම් කළමනාකරණ හා ආදායම් අංශය,

මාර්ග සංවර්ධන අධිකාරිය,

“මගනැඟුම මහමැදුර’’,                                                                                                

අංක 216, ඩෙන්සිල් කොබ්බෑකඩුව මාවත,

කොස්වත්ත,

බත්තරමුල්ල.

ඉහත දැනුම්දීම භාෂා ත්‍රිත්වයෙන්ම |The above notice in all three languages.

Sinhala

Tamil

English

දක්ෂිණ අධිවේගී මාර්ගය භාවිත කරනු ලබන මහජනතාව වෙත දැනුම් දීමයි.

දක්ෂිණ අධිවේගී මාර්ගයේ ගැලනිගම සිට දොඩන්ගොඩ අන්තර්හුවමාරු අතර අධිවේගී මාර්ග කොටසෙහි මාර්ග ප්‍රතිසංස්කරණ හා අලුත්වැඩියා කිරීමේ ව්‍යාපෘතියේ ඉදිකිරීම් කටයුතු 2026 පෙබරවාරි මස 18 වන දින සිට ආරම්භ කිරීමට නියමිතය.

එදින සිට වරින් වර මංතීරු කොටස් (ගැලනිගම සහ දොඩන්ගොඩ අතර) තාවකාලිකව වසා දැමීමට සිදුවන අතර ඒ හේතුවෙන් අධිවේගී මාර්ග භාවිතයේදී සිදුවන අපහසුතාව පිළිබඳ අපගේ කණගාටුව ප්‍රකාශ කරමු.

අධිවේගී මාර්ග වත්කම් ඉහළ නැංවීමේ හා වැඩිදියුණු කිරීමේ අංශය.

මාර්ග සංවර්ධන අධිකාරිය.

ඉහත දැනුම්දීම භාෂා ත්‍රිත්වයෙන්ම |The above notice in all three languages.

1. සීදූව සහ පෑලියගොඩ අන්තර්හුවමාරු ස්ථාන මගින් ප්‍රවේශ වන වාහන සඳහා කෙරවලපිටිය අන්තර්හුවමාරුව (KIC I) මගින් ප්‍රවේශ පත්‍ර ලබා දීමක් සිදු නොකෙරේ. ඒ වෙනුවට කොළඹ කටුනායක අධිවේගී මාර්ගයට ප්‍රවේශ වීමේදී සීදූව සහ පෑලියගොඩ අන්තර්හුවමාරු ස්ථාන මගින් ප්‍රවේශ පත්‍ර නිකුත් කිරීමට කටයුතු කරනු ලැබේ.

2. පිටත වටරවුම් මාර්ගයෙන් පැමිණෙන වාහන කටුනායක අධිවේගී මාර්ගයට ඇතුළු කිරීමේදී, කෙරවලපිටිය අන්තර්හුවමාරුවෙන් පිටවීමේ රිසිට් පත සහ නැවත නිකුත් කරනු ලබන ඇතුල්වීමේ ප්‍රවේශපත්‍ර නිකුත් කිරීමද අහෝසි කරනු ලබන අතර කෙරවලපිටිය හුවමාරුවෙන් (KIC II) පිටවන වාහන සඳහා පමණක් පිටවීමේ රිසිට් පත් නිකුත් කිරීම පෙර පරිදිම සිදු කරනු ලැබේ.

ඒ් අනුව,

1. කොළඹ කටුනායක අධිවේගී මාර්ගයට ප්‍රවේශ වීමේදී සීදූව සහ පෑලියගොඩ අන්තර්හුවමාරු ස්ථාන මගින් ප්‍රවේශ පත්‍ර ලබා ගත යුතු වේ.

2. පිටත වටරවුම් මාර්ගයෙන් පැමිණෙන වාහන කටුනායක අධිවේගී මාර්ගයට ඇතුළුවීමේදී ප්‍රවේශ පත්‍ර ලබා ගැනීමකින් තොරව පිවිසිය හැකි වන අතර කෙරවලපිටිය අන්තර්හුවමාරුවෙන් පිටවන වාහන සඳහා පිටවීමේ ගාස්තු ගෙවා අධිවේගී මාර්ගයෙන් පිටවිය හැක.

3. ඉලෙක්ට්‍රොනික ගාස්තු ගෙවන රථවාහන කොළඹ - කටුනායක අධිවේගී මාර්ගයේ ගමන් කිරීමේදී පමණක් එම පහසුකම ලබා ගත හැකි අතර ඉලෙක්ට්‍රොනික ගාස්තු ගෙවන රථවාහන පිටත වටරවුම් මාර්ගයට ඇතුල්වීමේදී ගාස්තු ගෙවා යන මංතීරු වලින් ඇතුල්වීමට කටයුතු කල යුතුය.

 Related  Gazzette: THE NATIONAL THOROUGHFARES ACT, No. 40 OF 2008

REGULATIONS made by the Minister of Transport, Highways and Urban Development under section 89(2)(C) of the National Thoroughfares Act, No. 40 of 2008 read with sections 13 and 14 of the aforesaid Act. (No. 2467/49 - WEDNESDAY, DECEMBER 17, 2025)

English Version

Sinhala Version